د سیدجمال الدین افغان پوهنتون لیلیې ته لس قلمه خوراکي توکي ولېږدول شول
ارزاقو امارتي شرکت د خپلو بنسټیزو فعالیتونو، سوداګریز پلان او د ۱۴۰۴ مالي کال د منظور شوي پلان پر بنسټ؛ د کونړ ولایت د سیدجمال الدین افغان پوهنتون لیلیې ته لس قلمه خوراکي توکي ولېږدول.
د کونړ د ارزاقو مدیر کریم خان کلیوال وویل، چې دتېرې پنجشنبې په ورځ یې د پوهنتون لیلیې ته یاد خوراکي توکي د اړتیاوو په اساس لېږدولي دي.
نوموړي زیاته کړه، چې دغه خوراکي توکي د دواړه لوري د کتنې پلاوي په شتون کې د پوهنتون اړوند مسوول ته وسپارل شول.
ده څرګنده کړه، چې په یادو خوراکي توکو کې ۴۵۰۰ کیلوګرامه وریجې، ۱۵۰۰ کیلوګرامه غوړي، ۱۰۰۰ کیلوګرامه لوبیا، ۴۰۰ کیلوګرامه د خواړو مالګه، ۳۰ کیلوګرامه شین چای، ۷۰۰ کیلوګرامه بوره، ۸ کیلوګرامه زیره، ۱۵ کیلوګرامه د دیګ مساله، ۱۵۰ کیلوګرامه رُب او ۲ کیلوګرامه د چای هیل شامل دي.
د کونړ د ارزاقو مدیر په وینا؛ د سیدجمال الدین افغان پوهنتون مسوولینو د ارزاقو امارتي شرکت له هڅو خوښي څرګنده کړې او د شرکت خدمتونه یې ستایلي دي.
