د لغمان ولایت د معتادینو۳۰ بستریز روغتون ته ۸ قلمه خوراکي توکي ولېږدول شول
ارزاقو امارتي شرکت د خپلو بنسټیزو فعالیتونو او خدمتونو په لړ کې، تېرې ورځ د لغمان ولایت د معتادینو د درملنې ۳۰ بستریز روغتون ته اته قلمه خوراکي توکي ولېږدول.
د لغمان ولایت د ارزاقو مدیر وحیدالله الکوزي په رالېږلي معلوماتو کې ویلي، چې یاد خوراکي توکي د کتنې پلاوي په شتون کې د روغتون اړوند مسوول ته وسپارل شول.
د نوموړي په وینا؛ په دغو خوراکي توکو کې ۵۴۸ کیلوګرامه وریجې، ۹۳ کیلوګرامه لوبیا، ۶۲ کیلوګرامه د روميانو رُب، ۳۴ کیلوګرامه مالګه، ۱۹۹ کیلوګرامه مایع غوړي، ۵۱ کیلوګرامه وچې شیدې، ۸۲ کیلوګرامه میده بوره او ۲۷ کیلوګرامه شین چای شامل دي.
د یادونې وړ ده، چې د ارزاقو امارتي شرکت له لوري د خوراکي توکو د لېږد او وېش بهیر د هېواد په کچه د دې شرکت د ولایتي مدیرانو له خوا په دوامداره توګه څارل او ارزول کېږي.
