د پنجشیر ولایت د پوهنتون لیلیې ته ۱۲ قلمه خوراکي توکي ولېږدول شول
د امارتي شرکتونو لوی ریاست اړوند دارزاقو امارتي شرکت د خپلو بنسټیزو فعالیتونو او سوداګریز پلان له مخې؛ په دې وروستیو کې د پنجشیر ولایت پوهنتون لیلیې ته ۱۲ قلمه د اړتیا وړ خوراکي توکي لېږدولي دي.
د یاد شرکت د پروژو د تطبیق آمریت ولایتي مدیر محمد زاهد اکبر وویل، چې په دغو خوراکي توکو کې؛ ۳۹۶۰ کیلوګرامه وریجې، ۱۴۸۰ کیلوګرامه مایع غوړي، ۵۸۰ کیلوګرامه لوبیا، ۷۳ کیلوګرامه نخود، ۳۰۰ کیلوګرامه د خوړو مالګه، ۳۰ کیلوګرامه شین چای، ۱.۵کیلوګرامه د چای هیل، ۶ کیلوګرامه زیره، ۱۰ کیلوګرامه د دیګ مساله،۲۰ کیلوګرامه رنګ شیرین، ۶ کیلوګرامه د دیګ څلور ګونې مساله او ۱۹۸ کیلوګرامه روب شامل دي.
نوموړي زیاته کړه، چې یاد خوراکي توکي د کتنې پلاوي په شتون کې د یاد ولایت د پوهنتون لیلیې اړوند مسوول ته وسپارل شول.
د یادونې وړ ده، چې ارزاقو امارتي شرکت د شویو تړونونو له مخې؛ د هېواد په کچه د پوهنتونونو لیلیو او یو شمېر نورو دولتي ادارو ته خوراکي توکي په منظم ډول لېږدوي.
