د ارزاقو امارتي شرکت د اقتصادي او سوداګریزو فعالیتونو له لارې هېوادوالو ته کاري زمینې برابرې کړي دي
د ارزاقو امارتي شرکت د سوداګریزو پلانونو او بنسټیزو فعالیتونو له مخې، سږ کال هم د پلازمېنې کابل او د هېواد د بېلابېلو ولایتونو لپاره ګڼ مهم قراردادونه پلي شوي دي. دا تړونونه، چې د لوړو زده کړو، کار او ټولنیزو چارو، عامې روغتیا او پوهنې وزارتونو سره شوي، چي تر دي مهاله 150 په شاو خاواکي پروژي د کار لانډي دي.
د یادو قراردادونو پر بنسټ، د ارزاقو امارتي شرکت نه یوازې د هېواد په اقتصادي او سوداګریزو برخو کې مهم رول لوبولی، بلکې له ۴۰۰۰ تنو هېوادوالو ته یې په مستقیم او غیرمستقیم ډول د کار زمینې برابرې کړې دي.
د ارزاقو امارتي شرکت د تدارکاتو مسؤول وویل، چې سږ کال د شرکت له لوري اړین خوراکي توکي د لوړو زده کړو، پوهنې، کار او ټولنیزو چارو او عامې روغتیا وزارتونو ته رسول شوي او دغه لړۍ لا هم دوام لري.
نوموړي زیاته کړه، چې د کابل ښار او ولایتونو پوهنتونونو، دیني زده کړو دارالعلومونو، روزنتونونو او روغتیایي برخو ته اړین توکي لکه مایع غوړي، وریجې، وچ چای، بوره، لوبیا، نخود، د رومیانو رب او نور تازه خوراکي توکي د یادو وزارتونو د غوښتنو پر اساس اکمال او اړوندو ځایونو ته سپارل شوي دي.
د تدارکاتو مسؤول وویل، چې د ورځنیو اړتیا وړ توکو، لکه غوښه، وچه ډوډۍ، هګۍ او نور ضروري خوراکي مواد، هم د پروژې د تطبیق له لارې د یادو وزارتونو اړوندو مرکزونو ته رسول کیږي.
د تدارکاتو مسؤول وویل، چې د شرکت عواید سږ کال د تېر په پرتله ۶۰ سلنه زیات شوي دي. سربېره پر دې، د عوایدو د لا ډېرو سرچینو ترڅنګ، نږدې ۴۰۰۰ هېوادوالو ته په مستقیم او غیرمستقیم ډول د کار آسانتیاوې برابرې شوې دي.
دا په داسې حال کې ده، چې د اسلامي امارت د بیا واکمنېدو راهیسې، د ارزاقو امارتي شرکت فعالیتونه د پخوا پرتله ۸۰ سلنه پرمختګ کړی او د شرکت مشرتابه هوډ لري چې دا پرمختیایي بهیر نور هم چټک کړي.
#د_نشراتو_مدیریت
