د غور ولایت د معتادینو د درملنې روغتون ته ۸ قلمه خوراکي توکي ولېږدول شول
د غور ولایت د ارزاقو مدیر عبدالخالق خالقیار وویل، چې وړمه ورځ د یاد ولایت معتادینو روغتون ته د اړتیا وړ اته قلمه خوراکي توکي لېږدولي دي.
نوموړي زیاتوي، چې دغه خوراکي توکي د روغتون اړوند مسوول ته د کتنې پلاوي په شتون کې وسپارل شول.
خالقیار څرګنده کړه، چې په دغه خوراکی توکي کې؛ ۳۷۹ کیلوګرامه وریجې، ۱۳۷ لیتره مایع غوړي، ۹۱ کیلوګرامه لوبیا، ۴۲ کیلوګرامه رُب، ۵۶ کیلوګرامه بوره، ۳۵ کیلوګرامه وچې شیدې، ۲۴ کیلوګرامه آیوډین لرونکي مالګه او ۱۸ کیلوګرامه شین چای شامل دي.
د ویلو ده، چې تېره ورځ د بامیانو ولایت د ارزاقو مدیر زمري لعلي هم د خپلو پروژو د تطبیق بهیر څارلی او او د کاري فعالیتونو په برخه کې اړوندو مسوولینو ته یې لازمې لارښوونې کړي دي.
