د نیالګیو ایښودلو په اړه د ارزاقو امارتي شرکت د مشرتابه پیغام؛
راځئ، چې د ۱۴۰۴ لمریز کال په پسرلي کې د میوه لرونکو او غیر میوه لرونکو نیالګیو ایښودلو په کار پيل وکړو.
درنو هېوادوالو!
خپل ګران هېواد افغانستان د نیالګیو ایښودلو سره زرغون کړئ او چاپېریال ته يې رنګینې ښکلاوې ور په برخه کړئ.
قدرمنو هېوادوالو!
یو نیالګی ایښودل او په ثمر رسېدل د انسان لپاره لویه صدقه ده او د ثواب تله یې د آخرت په ورځ درنېږي. ځکه چې د ونو له سیوري او میوې څخه نه یوازې انسان ګټه اخلي؛ بلکې د ځمکې پر سر حیوانات، خزنده ګان او د هوا الوتونکي هم برخمن کیدلای شي.
د نیالګیو ایښودل به را روان نسل ته دا په ډاګه کړي، چې موږ د هېواد په زرغونولو او سمسورولو کې هڅې کړې دي او دغه د نیالګیو اېښودلو فرهنګ به راتلونکو نسلونو ته د ميراث په توګه پاتې وي.
متدینه ولسه!
که غواړئ، چې روغ او صحتمن اوسئ او د پاکې هوا نه ښه اکسیجن تنفس کړئ، نو همدا نن هڅه وکړئ، چې د خپل اوسېدو چاپېریال په نیالګیو ایښودلو زرغون کړئ او طبیعت ته لا ښکلا ورپه برخه کړئ.
ومن الله التوفیق
