د نیمروز ولایت د ارزاقو مدیریت کړنې وستایل شوې
د نیمروز ولایت د ارزاقو مسوولین وایي، چې د ۱۴۰۳ لمریز کال په اوږدو کې یې د کار او ټولنیزو چارو ریاست اړوند روزنتون ته اړین خوراکي توکي په منظم او لوړ کیفیت لېږدولي، چې له امله یې د یاد ریاست له لوري د ارزاقو مدیریت له کړنو ستاینه شوې.
دوی زیاتوي، چې د نیمروز ولایت روزنتون ته د خوراکي توکو د لېږد تر څنګ له پخلي او د خواړو د وېش له پروسې څخه هم پر وخت څارنه او ارزونه شوې ده.
په دې ستاینه کې د نیمروز د ارزاقو مدیریت هغه هڅې یادې شوې دي، چې د دوامدارې همغږۍ، پراخو او اغېزناکو اړیکو رامنځته کولو او همدارنګه د رښتینو او مسوولانه کړنو د ترسره کولو په موخه شوي دي.
داپه داسې حال کې ده، چې څو موده وړاندې د کندهار ولایت د ارزاقو مالي، اداري او املاکو مدیر هم د غوره خدمتونو د ترسره کولو له امله وستایل شو.
