د ارزاقو امارتي شرکت له لوري ۹ قلمه خوراکي توکي د بلخ ولایت د امام ابو یوسف (رح) دیني جامعې ته ولېږدول شول
د بنسټیزو فعالیتونو، سوداګریزو پلانونو او د ۱۴۰۴ مالي کال د تائید شوي پلان له مخې، د ارزاقو امارتي شرکت له خوا ۹ قلمه خوراکي توکي د بلخ ولایت د امام ابو یوسف (رح) دیني جامعې ریاست ته لېږدول شوي دي.
د بلخ د ارزاقو لوی مدیرمحمد کاظم مهدي یار څرګنده کړه، چې دغه خوراکي توکي تېره ورځ د کتنې پلاوي په شتون کې د یادې دیني جامعې اړوند مسوول ته تسلیم شول.
هغه زیاتوي چې، په دغو خوراکي توکو کې ۱۱۱۵۰ کیلو ګرامه وریجې، ۱۲۳۳ کیلو ګرامه بوره، ۳۷۹.۶۰۰ کیلو ګرامه رُب، ۷۱ کیلو ګرامه شین چای، ۲۳.۷۲۵ کیلو ګرامه د دیګ مصاله، ۷۵۹.۲۰۰ کیلو ګرامه مالګه، ۹.۴۹۰ ګرامه زرد چوبه، ۱۴.۲۳۵ کیلو ګرامه زیره او ۲ کیلو ګرامه د چای هیل شامل دي.
د یادونې وړ ده، چې د خوراکي توکو د لېږد، وېش او څارنې بهیر د ارزاقو امارتي شرکت د ولایتي مدیریتونو له خوا په ټولو ولایتونو کې په دوامداره توګه ارزول کیږي.
