د ارزاقو امارتي شرکت کړنې وستایل شوې؛
د دوامداره ستاینو په لړکې یو ځل بیا د ارزاقو امارتي شرکت له کړنو ستاینه وشوه، چې په وخت او ښه کیفیت سره اړین خوراکي توکي دولتي او خصوصي ادارو ته چمتو کوي او رسوي.
د ارزاقو امارتي شرکت په سرپل ولایت کې عامې روغتیا اړوند ولایتي روغتون او د کار او ټولنیزو چارو ریاست تر چتر لاندې روزنتون ته د خوراکي توکو د برابرولو او لیږد چاره پرمخ وړي، چې دیادو ریاستونو لخوا د ارزاقو امارتي شرکت چارې او کړنې په معنوي ډالۍ ستایلي دي.
په دې ستاينلیکونو کې د ارزاقو امارتي شرکت د مسوولینو هلې ځلې نه ستړي کېدونکي یادې شوې دي او د چارو په پرمختګ او د هېواد د آبادۍ لپاره هڅې یې دستایلو وړ بللي دي. همداراز په راتلونکي کې د شرکت ټولو کارکوونکو ته د لا زیاتو بریاوو غوښتنې هم کړی دي.
دا په داسې حال کې ده، چې د څو پرله پسې مودو راهیسې د ارزاقو امارتي شرکت چارې د دې ولایت او نورو ولایتونو کې د دولتي او خصوصي ادارو له لوري ستایل کیږي.
