د بادغیس ولایت د ارزاقو لوی مدیر د کار او ټولنیزو چارو ریاست له اړوند روزنتون څخه څارنه وکړه؛
د بادغیس ولایت د ارزاقو لوی مدیر محمدجان یوسفي تېره ورځ د یاد ولایت د کار او ټولنیزو چارو ریاست اړوند روزنتون ته د پخلي، ډوډۍ برابرولو او وېش بهیر څخه څارنه او ارزونه ترسره کړه. په دې څارنه کې د کار او ټولنیزو چارو او عامې روغتیا ریاستونو استازي هم ورسره ملتیا کوله.
محمدجان یوسفي وايي، چې په دغه روزنتون کې دا مهال ۱۱۶ تنه هلکان او ۵۰ تنه نجونې په جلا برخو کې تر روزنې لاندې دي او اړین خوراکي توکي د ارزاقو امارتي شرکت له لوري برابرېږي.
نوموړي ډاډ ورکړ، چې د روزنتون د لیلیې لپاره د خوراکي توکو برابرول او چمتو کول په منظمه او اغېزمنه توګه روان دي. ده زیاته کړه چې د روزنتون مسوولین د ارزاقو امارتي شرکت له خدمتونو خوښ دي او پوره رضایت لري.
دا په داسې حال کې ده، چې په مرکز او ولایتونو کې د خوراکي توکو د برابرولو او څارنې بهیر د ارزاقو امارتي شرکت له خوا په پرلپسې او دوامداره توګه ترسره کېږي.
