د کاپیسا ولایت البیروني پوهنتون ته ۱۱ قلمه خوراکي توکي ولیږدول شول
د کاپیسا د ارزاقو مدیر ښاغلي قاري فریدون مصلح وايي، چې وړمه ورځ د کاپیسا ولایت البیروني پوهنتون ته ۱۱ قلمه خوراکي توکي د دې مدیریت له لوري ولیږدول شول.
ښاغلي مصلح زیاته کړه، چې په یادو خوراکي توکو کې ۵۵۰۰ کیلو ګرامه وریځې، ۹۹۹ لیتره غوړي، ۳۰۰ کیلو ګرامه لوبیا،۵۰ کیلو ګرامه نخود، ۳۰ کیلو شین چای،۲۰۰ کیلو ګرامه روب، ۳۰۰ کیلوګرامه مالګه، ۱۵ کیلوګرامه د دیک مساله، ۸ کیلو ګرامه زرچوبه، ۷ کیلو ګرامه زیره او هیل شامل دي.
نوموړي وویل، چې یاد خوراکي توکي د پوهنتون د کتنې پلاوي په شتون کې تسلیم شول.
همداراز مصلح وویل، چې د البیروني پوهنتون اداري مرستیال د ارزاقو امارتي شرکت له کړنو او چارو خوښ او د خوراکي توکو له کمیت او کیفیت رضایت لري.
دیادونې وړ ده، چې د تېر کال په څېر ارزاقو امارتي شرکت د خپلو بنسټیزو فعالیتونو له مخې د کاپیسا ولایت البیروني پوهنتون ته د خوراکي توکو د لیږد چارې پیل کړې دي.
