د ارزاقو امارتي شرکت اجرائیوي کمېټې غونډه جوړه شوه؛
د ارزاقو امارتي شرکت اجرائیوي کمېټې غونډه د شرکت د سرپرست رییس ښاغلي مولوي مطیعالله مجروح په مشرۍ ترسره شوه. دغه غونډه د شرکت د فعالیتونو د لا ښهوالي، د غوره خدمتونو وړاندې کولو او د شته وو ستونزو د حل په موخه جوړه شوې وه.
په یاده غونډه کې د سوداګریزو چارو رییس محمدامین صاحبزاده، د شرکت بېلابېلو برخو آمرینو او مدیرانو ګډون کړی و.
غونډه د سپېڅلي قرآن کریم د څو مبارکو آیتونو په تلاوت پیل شوه. ورپسې د سوداګریزو چارو، مالي، تدارکاتو، د پروژو د تطبیق، املاکو، خدماتو او د کارکوونکو د چارو آمرینو د خپلو اړوندو برخو غوښتنې، نظرونه، ستونزې او وړاندیزونه وړاندې کړل، چې د غونډې په اجنډا کې شامل شوي وو. د دغو موضوعګانو په اړه مفصل بحث وشو او پر یو شمېر مهمو مواردو لازمې پرېکړې وشوې.
د شرکت سرپرست رییس ښاغلي مولوي مطیعالله مجروح د ګډونوالو د مسوولیتونو د مؤثرې اداینې لپاره یو لړ سپارښتنې وړاندې کړې، چې د غونډې برخوالو له خوا ډاډ ورکړل شو، چې خپلې چارې به لا چټکې کړي او خلکو ته به لا زیات سهولتونه برابر کړي. غونډه د دعا په لوستلو سره پای ته ورسېده.
