د ارزاقو امارتي شرکت ملکیتونه په بلخ ولایت او ګاونډیو ولایتونو کې؛

نن غواړم د ارزاقو امارتي شرکت د جایدادونو او سوداګریزو برنامو په اړه لنډ معلومات وړاندې کړم، په ځانګړي ډول د دې شرکت ملکیتونه په بلخ ولایت او شاوخوا سیمو کې:

• په بلخ ولایت کې، د ارزاقو امارتي شرکت یو موجود جایداد یو ګودام و چې ۹۴۴۲ مربع متره مساحت یې درلود، خو د وروستیو دریو لسیزو د داخلي جګړو له امله زیانمن او ویجاړ شوی و. اوس مهال، د شرکت د هڅو په پایله کې، دغه جایداد د خصوصي سکتور سره د رسمي قرارداد له مخې په مشارکت کې دی، او اوس درې تجارتي مارکیټونه تر جوړېدو لاندې دي، چې د هغوی له عوایدو ۳۰ سلنه د اماراتي ارزاق شرکت حساب ته سپارل کېږي.

• همداراز، د ارزاقو امارتي شرکت یو بل جایداد، چې د ۳ بسوې سپین (خالي) ځمکه ده، د بلخ ولایت د ارزاقو ریاست تر اداره او مدیریت لاندې دی او د قانون مطابق د عوایدو ترلاسه کولو لپاره په کرایه ورکړل شوی دی.

• په شمالي ولایتونو کې هم د ارزاقو امارتي شرکت جایدادونه شته، چې د سمنګان ولایت د ایبک ښار کې ۳۶ دوکانونه لري. دا دوکانونه فعال دي او د کرایې عواید یې د شرکت حساب ته راټولیږي.

• په تخار ولایت کې، شرکت ۱۳ دوکانونه او د ۲۵۲۰ مربع متره مساحت لرونکی ګودام لري، چې د رسمي قرارداد له مخې په میاشتني کرایه ورکړل شوی دی، او د دې عواید د شرکت حساب ته انتقالېږي.

• د ارزاقو امارتي شرکت د هېواد یو سل فیصده اماراتي شرکت دی، چې د هنګرونو، تجارتي مارکیټونو، دوکانونو او حتی کرنیزو ځمکو په شمول ګڼ ملکیتونه لري. شرکت د خپلو جایدادونو ساتنه کوي او د هغوی له عوایدو څخه نه یوازې د سوداګریزو فعالیتونو د پیاوړتیا لپاره ګټه اخلي، بلکې د هېواد اقتصادي وده او د کاري فرصتونو ایجاد ته هم مهم رول لري.

#د_نشریاتو_مدیریت