د زابل ولایتي روغتون ته ۹ قلمه خوراکي توکي ولېږدول شول
د زابل ولایت د ارزاقو مالي او اداري مدیر عبدالمالک مصلح وايي، چې د یاد ولایت ولایتي روغتون ته یې نهه قلمه خوراکي توکي لېږدولي دي.
نوموړي زیاتوي، چې دغه خوراکي توکي د روغتون اړوند مسوول ته د کتنې پلاوي په شتون کې وسپارل شول.
مصلح څرګنده کړه، چې په دغه خوراکی توکي کې؛ ۸۰۰ کیلوګرامه وریجې، ۴۴۰ لیتره مایع غوړي، ۳۰۰ کیلوګرامه لوبیا، ۳۰۰ کیلوګرامه نخود، ۲۶۰ کیلوګرامه بوره، ۲۴۰ کیلوګرامه شیدې، ۶۰ کیلوګرامه د خواړه مالګه، ۸۰ کیلوګرامه شین چای او ۳۰ کیلوګرامه تور چای شامل دي.
د یادونې وړ ده، چې ارزاقو امارتي شرکت په دې وروستیو کې نه یوازې پوهنتونونو، دیني مدرسو، روغتیايي مرکزونو او روزنتونونو ته د خوراکي توکو لېږد چټک کړې؛ بلکې د څارنې او ارزونې بهیرونه یې هم زیات کړي دي.
