ارزاقو امارتي شرکت؛ د خوراکي توکو د برابرولو باوري سرچینه!
ارزاقو امارتي شرکت په هېواد کې یوازینی دولتي شرکت دی، چې د خپلو ژمنو او مسوولیتونو له مخې دولتي ادارو ته د خوراکي توکو د تدارک، لېږد او وېش چارې پر مخ وړي. دغه شرکت تر اوسه توانېدلی، چې د دولتي ادارو د خوراکي توکو اړتیاوې په اغېزمن ډول پوره او د لوړ کیفیت لرونکي توکي ورته چمتو کړي.
شرکت له دولتي ادارو سره د شویو تړونونو له مخې اړین خوراکي توکي تدارک او په خپلو ګدامونو کې ذخیره کوي. د اړوندو ادارو د غوښتنو پر بنسټ یاد توکي له مرکزي ګدامونو څخه بار او د شرکت ولایتي نماینده ګیو ته لېږدول کېږي او وروسته بیا د ولایتي مدیرانو تر مستقیمې څارنې لاندې اړوندو ادارو ته سپارل کېږي.
همدارنګه، د شرکت ولایتي مدیران د توکو د لېږد او وېش بهیر له نږدې څاري او د پروژو د لا ښه تطبیق، شفافیت او اغېزمنتیا لپاره پرلهپسې څارنه او ارزونه ترسره کوي.
ارزاقو امارتي شرکت له ملي او سیمهییزو سوداګرو څخه غوښتنه کوي، چې په ډاډمنه فضا کې له شرکت سره ګډه پانګونه وکړي او د هېواد د اقتصادي ودې، د خوراکي توکو د تأمین او د کاري فرصتونو د رامنځته کولو په برخه کې فعاله ونډه واخلي.
