د تهیه مسکن له روزنتون څارنه ترسره شوه؛
د ارزاقو امارتي شرکت د پروژو د ښه تطبیق، په چارو کې د شفافیت رامنځته کېدل او د خنډ او ځنډ د مخنیوي په موخه خپلې اړوندې چارې په دوامداره توګه څاري او ارزوي یې. په همدې لړ کې تېره شپه د کابل ښار د تهیه مسکن روزنتون څخه هم ارزونه او څارنه وشوه.
یاد روزنتون ته د خوراکي توکو د لېږد مسوول محمد یوسف وایي، چې تېره شپه یې د تهیه مسکن روزنتون د زدهکوونکو د خوراکي توکو د پخلي او وېش بهیر له نږدې وڅاره.
نوموړی زیاتوي، چې د پخلي او وېش بهیر په بشپړه توګه معیاري، منظم او له ستونزو خالي و او زدهکوونکو ته اړین خوراکي توکي په سم ډول ورسول کېږي.
د یادونې وړ ده، چې په یاد روزنتون کې شاوخوا ۲۵۰ تنه بېسرپرسته او یتیم ماشومانو ته روزنه ورکول کیږي او ارزاقو امارتي شرکت ورته د اړینو خوراکي توکو د لېږدونې چارې پر مخ وړي.
