د مغازو مدیر

د دندې عنوان:  د مغازو مدیر

اداره: د ارزاقو امارتي شرکت
بست: پنځم
د بست شمېر: ۱
د بست کود: ARZAQ-1404-29
میاشتنی معاش: د شرکت د معاشونو د سکیل مطابق
د کار ځای: کابل
راپور وړاندې کول: د شرکت د سوداګریزې پراختیا او پانګونې آمریت ته
راپور اخیستل: له لاندې کارکوونکو څخه
د اعلان نېټه: ۱۸/۹/۱۴۰۴
د غوښتنلیک د سپارلو ورستۍ نیټه:  ۷/۱۰/۱۴۰۴

د دندې موخه:

د محصولاتو د پلور مدیریت او همغږي، د مشتریانو د مؤثر خدمت وړاندې کول او د شرکت لوګو په ټولو محصولاتو او خدماتو کې کارول.

دندې او مسؤلیتونه:

تخصصي دندې:

1. د میاشتني، درې میاشتني او کلني کاري پلان ترتیب د اړوند آمریت د پلان سره سم.
2. د مغازو اړوند څانګو د سمو فعالیتونو یقیني کول.
3. د مغازو پرسونل سره مرسته په پلور او د محصولاتو په موجودیت او د اسنادو د سموونې او تطبیق ډاډ ترلاسه کول.
4. د مغازو د دنني توکو ساتنه او د ورځنیو فعالیتونو ترڅنګ د دوامدارې څارنه ترسره کول.
5. د پلور پلان ترتیب، د مشتریانو شکایتونو ته په مسلکي او بېړني ډول رسیدګي  او د پلور ثبت او لېږد ترسره کول.
6. د روغتیايي او خوندي چاپیریال د مقرراتو رعایت یقیني کول.
7. د اړتیا په وخت کې راپور  اړوند آمریت ته وړاندې کول.
8. نورې دندې، چې د مقاماتو لخوا د شرکت د قوانینو او پالیسیو مطابق سپارل کیږي ترسره کول.

د همغږۍ دندې:

1. د شرکت دننه او بهر د مختلفو برخو سره اړیکه او همغږي ترسره کول، د مالي عوایدو او بودجې چارو د غوره  پرمخ وړلو په موخه.

زده کړه، تجربه او مهارتونه:

زده کړې:

• لږ تر لږه د لیسانس سند لرل په مالي او بانکي چارو، اقتصاد، سوداګریز اداره، عامه اداره، یا نورو اړونده برخو کې.
• د ماسټري سند لرونکو ته لومړیتوب ورکول کیږي.

تجربه:

• د لیسانس لرونکو لپاره لږ تر لږه ۲–۳ کاله اړونده  برخه کې تجربه لرل.
• د ماسټري لرونکو لپاره لږ تر لږه ۱–۲ کاله اړونده برخه کې تجربه لرل.

مهارتونه:

• په ملي ژبو (پښتو او دري) بشپړ مهارت درلودل او  د انګلیسي ژبې سره  آشنایي درلودل.
• د کمپیوټر پروګرامونو کې مهارت لکه؛ د( (MS Office, Outlook, QuickBooks او نور اړوند دفتري او انټرنېټ پروګرامونه کې مهارت درلودل.
• مدیرتي او مالي مهارتونه درلودل.
• د نافذه قوانینو باندې بشپړ پوهاوی درلودل لکه؛(د کار قانون، د امارتي شرکتونو قانون، د مالیاتو قانون، د ارزاقو امارتي شرکت اساسنامه او نورو)باندې.
• دولتي او غیردولتي ادارو سره د مسلکي اړیکو وړتیا درلودل.
• د افهام او تفهیم وړتیا لرل.

د غوښتنلیک سپارلو طریقه:

• مینوال، چې پورتنی شرایط پوره کولی شي، خپل سی‌وي (CV) د دندې له عنوان او د بست له کود سره په Subject کې د شرکت د کارکوونکو چارو آمریت ته دې تر ۷/۱۰/۱۴۰۴ نیټې پورې لاندې برښنالیک ته واستوي.
  jobs@arzaq.gov.af
• یادونه: یواځې له هغو کاندیدانو سره به اړیکه نیول کېږي، چې شارټ‌ لیست شي.

د نورو معلوماتو لپاره، د کارکوونکو چارو آمریت سره په دې شمېره اړیکه ونیسئ.  020-2500043 

Documents