د لغمان پوهنتون لیلیې ته ۱۱ قلمه خوراکي توکي ولېږدول شول
د لغمان ولایت د ارزاقو لوی مدیر وحیدالله الکوزي په رالېږلي معلوماتو کې ویلي دي، چې نن یې ۱۱ قلمه خوراکي توکي د دې ولایت پوهنتون لیلیې ته لېږدولي دي. نوموړي زیاتوي، چې یاد توکي د کتنې پلاوي په شتون کې اړوند مسوول ته وسپارل شول.
الکوزي په معلوماتو کې څرګنده کړې، چې په دغو خوراکي توکو کې ۲۹۰۰ کیلوګرامه وریجې، ۸۳۷ کیلوګرامه غوړي، ۱۷۲.۶ کیلوګرامه نخود، ۲۲ کیلوګرامه شین چای، ۳۶۴ کیلوګرامه بوره، ۴.۶ کیلوګرامه زیره، ۳ کیلوګرامه کورکمن، ۷ کیلوګرامه د دیګ مساله، ۱.۹ کیلوګرامه څلور مساله، ۱۸۶ کیلوګرامه مالګه او ۱.۵ کیلوګرامه د چای هیل شامل دي. د یادونې وړ ده، چې د امارتي شرکتونو لوی ریاست اړوند د ارزاقو امارتي شرکت د شویو تړونونو له مخې، د هېواد په کچه د پوهنتونونو لیلیو او یو شمېر نورو دولتي ادارو ته د اړتیا وړ خوراکي توکي په منظم او مناسب وخت لېږدوي.
