د سرپل ولایت د ارزاقو لوی مدیر په روزنتون کې د برابر شوي روژه ماتي څارنه وکړه
فضلالدین امید د سرپل ولایت د ارزاقو لوی مدیر تېر ماښام د کار او ټولنیزو چارو ریاست اړوند روزنتون څخه لیدنه او کتنه وکړه. په دې لیدنه کې د روزنتون زده کوونکو لپاره روژه ماتی د ارزاقو امارتي شرکت له لوري چمتو شوی و.
ښاغلي امید وویل، چې د روزنتون زده کوونکو لپاره د خوړو پخلی په ښه توګه ترسره کیږي او د ستایلو وړ دي. هغه زیاتوي، چې په دې برخه کې د روزنتون زده کوونکي هیڅ ډول ستونزه نه لري او د خوړو کیفیت یې د خوښۍ لامل دي.
دیادونې وړ ده، چې په سرپل ولایت کې د کار او ټولنیزو چارو ریاست اړوند روزنتون کې یو شمېر یتیم او بېوزله ماشومان د حرفوي زده کړو په برخه کې بوخت دي.
