د پروان او کونړ پوهنتونونو لیلیو ته خوراکي توکي ولېږدول شول
ارزاقو امارتي شرکت د خپلو بنسټیزو فعالیتونو، خدمتونو او سوداګریز پلان له مخې؛ د پروان پوهنتون او د کونړ سید جمالالدین افغاني پوهنتون لیلیو ته خوراکي توکي لېږدولي دي.
د ورکړل شوو معلوماتو له مخې؛ د دواړو ولایتونو د ارزاقو مدیریتونو له لوري د پروان پوهنتون لیلیې ته ۱۴ قلمه او د سید جمالالدین افغاني پوهنتون لیلیې ته ۱۱ قلمه بېلابېل خوراکي توکي لېږدولي او سپارلي دي.
د یادو ولایتونو د ارزاقو مدیرانو ویلي، چې په دغو توکو کې وریجې، لوبیا، غوړي او نور اړین خوراکي توکي شامل دي.
د یادونې وړ ده، چې د ارزاقو امارتي شرکت له لوري د خوراکي توکو د لېږد او وېش بهیر د هېواد په کچه د ولایتي مدیرانو له خوا په دوامداره توګه څارل او ارزول کېږي.
