یولس قلمه خوراکي توکي د سرپل ولایت د عامې روغتیا امبولانس آمریت ته ولېږدول شول
د ارزاقو امارتي شرکت د خپلو فعالیتونو، سوداګریز پلان او د ۱۴۰۴ مالي کال د تائید شوي پلان له مخې؛ یولس قلمه خوراکي توکي د سرپل ولایت د عامې روغتیا ریاست د امبولانس آمریت ته لېږدول شوي دي.
د ارزاقو لوی مدیر فضلالدین امید وایي، چې دغه خوراکي توکي د ځانګړي کتنيز پلاوي په شتون کې د یاد آمریت اړوند مسوول ته وسپارل شول.
ښاغلی امید زیاتوي، چې د سرپل ولایت د عامې روغتیا امبولانس آمریت مسوولین د یادو خوراکي توکو د لېږد له بهیر څخه خوښي ښودلې او د ارزاقو امارتي شرکت له خدمتونو یې مننه او قدرداني کړې ده.
