د پنجشیر ولایت پوهنتون لیلیې ته ۱۲ قلمه خوراکي توکي واستول شول
د ارزاقو امارتي شرکت د پروژو د تطبیق مسوولین وایي، چې د پنجشیر ولایت پوهنتون لیلیې ته ۱۲ قلمه خوراکي توکي لېږدول شوي دي.
دوی زیاتوي، چې په یادو خوراکي توکو کې ۲۳۳۱ کیلوګرامه وریجې، ۷۹ کیلوګرامه بوره، ۶۴۵ کیلوګرمه غوړي، ۲۱۱ کیلوګرامه لوبیا، ۳۵ کیلوګرامه اومه نخود، ۱۴ کیلوګرامه شین چای، ۱۵۹ کیلوګرامه آیوډین لرونکي مالګه، ۳۵ کیلوګرامه رُب، ۳ کیلوګرامه میده زیره، ۲ کیلوګرامه زردچوبه، ۵ کیلوګرامه د دیګ مصاله او نیم کیلوګرامه د چای هیل شامل دي، چې یاد خوراکي توکي د کتونکي پلاوي په شتون کې د پوهنتون لیلیې مسوول ته وسپارل شول.
همدارنګه د ارزاقو امارتي شرکت د تطبیق مسوولین وایي، چې تازه خوراکي توکي لکه سبزي او مېوه د پنجشیر پوهنتون لیلیې ته په ورځني ډول لېږدول کېږي.
د دغو مسوولینو په خبره؛ له دې وړاندې ۱۵ قلمه د اړتیا وړ خوراکي توکي د پنجشیر ولایت د معتادینو د درملنې ۳۰ بستریز روغتون ته لېږدول شوي دي.
هېره دې نه وي،چې د ارزاقو امارتي شرکت پروژې په مرکز او هم په ولایتونو کې په منظم ډول تطبیقېږي او دغه راز د شرکت مرکزي او ولایتي مسوولین د یادو پروژو څخه په دوامداره توګه څارنه او ارزونه هم ترسره کوي.
